Soru, Frati Siciliani
Vivemu ‘nta ‘sti jurnati lu centucinquantesimu annivirsariu di lu sbarcu di Garibaldi ‘nta nostra Isula e di l’iniziu , d’apprressu di la annessiuni komu kolonia dâ nostra Patria apprima ‘a lu Piemunti e appoi ‘a lu “novu” Regnu ‘Talianu.
Nuatri komu Siciliani e komu Indipinnintisti ki fannu pulitica e ki travagghianu ‘ppi putiri fari viviri li figghi e li figghi di li figghi libbiri, ricchi e patruni di li propri distini pirsunali e nazziunali vivemu ‘sti jorni ku tristizza.
Videmu ka passau ‘nu seculu e menzu ma li guvirnanti, li pulitici ‘taliani nun hannu ancòra lu kuraggiu e l’unistà ‘ntillettuali di diri ‘a viritati ‘ncapu ‘a sti fatti istorici!
Ripigghianu e riquarianu buggii ‘a tinghitè e ku li facci di koriu parranu ancòra di “Risurgimentu”. Ma ki Risurgimentu? Aviti sdirrupatu ‘nu Populu ,’na Nazziuni, ‘na Econumia a la facci di lu Risurgimentu !
Eppuru ‘nta ‘sti jurnati facinu cirimonii a middi a middi e ‘nta ‘sti cirimonii sa kantanu e sonano …‘a so’ missa!
Viramenti pinsanu ki lu alienamentu di lu Populu Sicilianu poti durari ‘ppi sempri?
Agghi! Si è akkussì nun hannu kaputu nenti!
Nun s’addunanu ki la Bannera di la Trinakria, di la Nazziuni Siciliana turnau a sbintuliari ‘nta lu cori e la menti di assai Siciliani?
Nun capisciunu ki oj nun agghiuttemu kiù tutti li soi palori fausi e vulemu ‘nveci viritati e puru ‘nu futuru puliticu diversu?
‘Ppi ‘sti mutivi nuatri du Diariu-Blog “laquestionesiciliana” luttamu, ku kunvincimentu, sutta la bannera di lu Frunti Nazziunali Sicilianu – “Sicilia Indipinnenti” ‘ppi kanciari demokratikamenti li kosi .
‘A nostra “battagghia” è kummattuta ku li strumenta kiù putenti di lu Munnu: a Menti e li Palori!
Li nostri “ficili” sunnu ‘a Kultura, ‘a Viritati e ‘a Memoria!
Nuatri sapemu ki si ‘a Sicilia avi aviri ‘nu futuru kistu poti viniri sulu dî la vittoria ‘nta la lutta ki nuatri Indipinnintisti, ki nun trademu e mancu kiancemu, stamu kunnucennu.
Oj li nimici dî la Sicilia pigghiaru kuscienza di ‘sta kosa e stannu ‘nfatti muvennu komu pupi li ascari soi e ‘ntra kisti puru certi ki si diciunu e parranu komu Indipinnintisti ma Indipinnintisti nun sunnu.
Kisti sunnu sutta patruni e li patruna sunnu li proconsuli di li partita ‘taliani di putiri di tutti li culura.
Li stissi partita ki iddi sustennnu, apirtamenti e non, duranti li elezziuni.
Akkussì krianu kunfusiuni e sicunnu li so’ gnuri kistu servi ‘a arritardari ,‘a vitaliziu ‘a vittoria di lu Populu e di la Nazziuni Siciliana.
Kisti sunnu oltraggiaturi ma nuatri nun n’avemu a fari cannulliari e dicemu a tutti li Siciliani onesti di caminari a drittu filu ‘ppi ‘a strata dî la ‘niziativa pulitica senza vutarisi e senza farisi tentari di li gattifilippi di ‘sti ascari e sirvitura.
Lu putissimu e duvissimu fari no pikkì semu eroi ma pikkì semu Siciliani. Nuatri nun stamu a patruni, sutta nuddu gnuri.
Dammiri ‘a nostra stidda è sulu lu nostru Populu , ‘a nostra Genti, ‘a nostra Nazziuni!
Kistu è lu mutivu ‘ppi kui nuatri nun putemu perdiri, kistu è lu mutivu pikki si skantanu di nuatri e li jurnali soi…di nuatri nun parranu mai !
Pinsanu, iddi, ‘ppi daveru ki akkussì ponnu ammucciari ‘a viritati di la nostra ‘niziativa suciali e pulitica? O Malaccorti! O Disonurati!
Ka l’unicu veru Risorgimentu ka si vidi , demokratiku e pacificu, è kiddu di la Nazziuni Siciliana ki poti turnari ad essiri Patruna di lu so’ Distinu e prutagunista ‘nta lu Mediterraneu e ‘nta lu Munnu !
ANTUDU!
Vivemu ‘nta ‘sti jurnati lu centucinquantesimu annivirsariu di lu sbarcu di Garibaldi ‘nta nostra Isula e di l’iniziu , d’apprressu di la annessiuni komu kolonia dâ nostra Patria apprima ‘a lu Piemunti e appoi ‘a lu “novu” Regnu ‘Talianu.
Nuatri komu Siciliani e komu Indipinnintisti ki fannu pulitica e ki travagghianu ‘ppi putiri fari viviri li figghi e li figghi di li figghi libbiri, ricchi e patruni di li propri distini pirsunali e nazziunali vivemu ‘sti jorni ku tristizza.
Videmu ka passau ‘nu seculu e menzu ma li guvirnanti, li pulitici ‘taliani nun hannu ancòra lu kuraggiu e l’unistà ‘ntillettuali di diri ‘a viritati ‘ncapu ‘a sti fatti istorici!
Ripigghianu e riquarianu buggii ‘a tinghitè e ku li facci di koriu parranu ancòra di “Risurgimentu”. Ma ki Risurgimentu? Aviti sdirrupatu ‘nu Populu ,’na Nazziuni, ‘na Econumia a la facci di lu Risurgimentu !
Eppuru ‘nta ‘sti jurnati facinu cirimonii a middi a middi e ‘nta ‘sti cirimonii sa kantanu e sonano …‘a so’ missa!
Viramenti pinsanu ki lu alienamentu di lu Populu Sicilianu poti durari ‘ppi sempri?
Agghi! Si è akkussì nun hannu kaputu nenti!
Nun s’addunanu ki la Bannera di la Trinakria, di la Nazziuni Siciliana turnau a sbintuliari ‘nta lu cori e la menti di assai Siciliani?
Nun capisciunu ki oj nun agghiuttemu kiù tutti li soi palori fausi e vulemu ‘nveci viritati e puru ‘nu futuru puliticu diversu?
‘Ppi ‘sti mutivi nuatri du Diariu-Blog “laquestionesiciliana” luttamu, ku kunvincimentu, sutta la bannera di lu Frunti Nazziunali Sicilianu – “Sicilia Indipinnenti” ‘ppi kanciari demokratikamenti li kosi .
‘A nostra “battagghia” è kummattuta ku li strumenta kiù putenti di lu Munnu: a Menti e li Palori!
Li nostri “ficili” sunnu ‘a Kultura, ‘a Viritati e ‘a Memoria!
Nuatri sapemu ki si ‘a Sicilia avi aviri ‘nu futuru kistu poti viniri sulu dî la vittoria ‘nta la lutta ki nuatri Indipinnintisti, ki nun trademu e mancu kiancemu, stamu kunnucennu.
Oj li nimici dî la Sicilia pigghiaru kuscienza di ‘sta kosa e stannu ‘nfatti muvennu komu pupi li ascari soi e ‘ntra kisti puru certi ki si diciunu e parranu komu Indipinnintisti ma Indipinnintisti nun sunnu.
Kisti sunnu sutta patruni e li patruna sunnu li proconsuli di li partita ‘taliani di putiri di tutti li culura.
Li stissi partita ki iddi sustennnu, apirtamenti e non, duranti li elezziuni.
Akkussì krianu kunfusiuni e sicunnu li so’ gnuri kistu servi ‘a arritardari ,‘a vitaliziu ‘a vittoria di lu Populu e di la Nazziuni Siciliana.
Kisti sunnu oltraggiaturi ma nuatri nun n’avemu a fari cannulliari e dicemu a tutti li Siciliani onesti di caminari a drittu filu ‘ppi ‘a strata dî la ‘niziativa pulitica senza vutarisi e senza farisi tentari di li gattifilippi di ‘sti ascari e sirvitura.
Lu putissimu e duvissimu fari no pikkì semu eroi ma pikkì semu Siciliani. Nuatri nun stamu a patruni, sutta nuddu gnuri.
Dammiri ‘a nostra stidda è sulu lu nostru Populu , ‘a nostra Genti, ‘a nostra Nazziuni!
Kistu è lu mutivu ‘ppi kui nuatri nun putemu perdiri, kistu è lu mutivu pikki si skantanu di nuatri e li jurnali soi…di nuatri nun parranu mai !
Pinsanu, iddi, ‘ppi daveru ki akkussì ponnu ammucciari ‘a viritati di la nostra ‘niziativa suciali e pulitica? O Malaccorti! O Disonurati!
Ka l’unicu veru Risorgimentu ka si vidi , demokratiku e pacificu, è kiddu di la Nazziuni Siciliana ki poti turnari ad essiri Patruna di lu so’ Distinu e prutagunista ‘nta lu Mediterraneu e ‘nta lu Munnu !
ANTUDU!
TRINAKRIUS
Nessun commento:
Posta un commento