IL 19 OTTOBRE, PER NON DIMENTICARE !

ANCHE FOCUS TRINAKRIA, SODALIZIO CULTURALE E THINK TANK DEL SICILIANISMO E DELL'INDIPENDENTISMO DEMOCRATICO, ADERISCE ALL'ATTIVO PROMOSSO DA 'U FRUNTI NAZZIUNALI SICILIANU - SICILIA INDIPINNENTI PER DOMENICA 19 OTTOBRE ALLE ORE 10,00, A PALERMO, NEI LOCALI DI VIA BRUNETTO LATINI, 26.

E ANCHE NOI DE "laquestionesiciliana" VOGLIAMO ESSERE IMPEGNATI IN TAL SENSO DANDO LA NOSTRA CONVINTA ADESIONE ALL'INIZIATIVA F.N.S. E RIPUBBLICANDO QUI LA POESIA DI GIOVANNI BASILE ( DIRIGENTE FNS) DAL TITOLO:

'A STRAGGI D'U 19 OTTUVIRU 1944

U pòpulu di Palermo
nun nni putìa cchiù
di suppurtàri 'a miseria,
lu malupàtiri d'ogni jornu,
'u 'ntrallàzzu e 'u maluguvernu.

Era lu 19 Ottùviru 1944:
'a genti addumannàva a lu Guvernu
pani e travagghiu, sì,
ma, cu' lu sangu all'occhi,
a frunti àuta e c’a vuci forti,
abbanniàva p'avìri Justizzia,
libìrtàti e Indipinnenza,
p'a Sicilia e p'i Siciliani.

E 'nveci truvau 'a morti,
a' Via Maqueda,
'ddu malidittu Diciannòví Ottùviru
d'u Míllinovicentuquarantaquattru.

Ddi puvírèddi prutistàvanu,
curaggiùsi, cu' palori duri,
dispiràti, sì, e chini 'i ràggia,
ma senza armi e mancu cutèddi,
picchi vulìanu'a paci e no'a guerra.

Ma li surdàtí 'taliani,
pi' fuddìa, pí' òdiu, pi' scantu,
mannàti e cumannàti
da genti senza cori,
accuminciàru a sparari,
comu quannu si fa 'a guerra,
e coma ci avìanu 'nzignàtu
li supiriùra, pi' cuntrastàri
li .... piriculùsi ribbelli siciliani!

E ficiru 'na straggi,
tirribbili e spavintusa:
'a strata addivintau russa
di sangu 'nnuccènti

Sùbbitu sùbbitu partìu'u cumànnu
di nun parràri di 'ddu fattu
e dì nun diri mai 'a viritàti.

E oj si nni parra picca e nenti
e sulu cuntànnu munzignarìi.

Ma nuàutri, no, nun li scurdàmu,
nun l'avèmu mai scurdati,
'ddi pòviri Fratùzzi nostri,
picchi sunnu'na spina dulurùsa
ca s'azziccàu 'nta lu nostru cori
'ddu Diciannovi Ottùviru
d'u Millinovicentuquarantaquattru,
quannu, pi' la tristízza,
lu celu addivintàu scuru scuru
a menzujornu!

C’a manu supra ‘u cori dicèmu
ONURI A LI POVIRI MORTI
E PACI ETERNA!
Ma pritinnèmu Justizzia e Viritàti!

GIOVANNI BASILE